Umkhawulo nomngcele.

Isingeniso.

Umkhawulo nomngcele ngezinye zezinto lezo ezisetjenziswa nanyana eziqalwako lokha nakuhlukaniswa izinto ezifana neendawo, isifunda, isiyingi kanye nenarhakazi. Nanyana abanengi bathatha kwangathi umkhawulo nomngcele yinto yinye nje, kodwana akusinjalo zinomehluko omncani. Esigabeni esilandelako sizokutjheja bonyana kuyini umkhawulo nomngcele.

Khuyini umkhawulo?

Umkhawulo sihlakanisi seendawo, ekufaka hlangana isiyingi, isifuna neenarha. Umkhawulo uveza ukuthoma nokugcina kweendawo. Kodwana, okuqakatheke khulu kukobana umkhawulo sihlukanisi nanyana isiqunto esenziwe mumuntu ekungasi semvelo. Lokha nasitjheja imikhawulo yeendawo sizakukhumbula bonyana kumikhawulo eyenziwe babantu nanyana ibhodo yemikhawulo leyo equntako ukuthi indawo ethize ithoma kuphi begodu igcina kuphi.

Igama leli elithi umkhawulo lisuselwe esenzweni khawula, leso esitjho bona lisa, qeda, gcina nanyana yekela into ethize. Ngalokho-ke, umkhuwulo usuke uveza bonyana indawo ethize igcina nanyana iphelela kuphi.

Khuyini umngcele?

Umncgele singatjho bonyana kusihlukanisi seendawo ezifaka hlangana isiyingi, isifuna, inarha nenarhakazi. Kodwana, umngcele kusihlukanisi nanyana umkhawulo wendabuko nanyana wemvelo. Lokhu kutjho bonyana umngcele awukenziwa mumuntu kodwana uzenzakalele.

Lokha nasitjheja ilwandle le-Meditterian, sifunyana bona lihlukanisa inarhakazi ye-Afrika neyeYurobhu. Kodwana ekufuzwe kuyelelwe khulu, kukobana ilwandle leli lisihlakanisi semvele hlana kwe-Afrika neYurobhu. Ngakkho-ke, ilwandle i-Meditterian limngcele njengombana lihlakunisa iinarhakazi begodu lezenzakalele ngokwemvelo.

Isiphetho.

Umkhawulo nomngcele zinomsebenzi efanako; Kodwana, umehluko kukuthi ukhawulo sihlukanisi nanyana isiqunto esenziwe mumuntu bese kuthi umngcele kube sihlukanisi nanyana isiqunto sendabuko nanyana semvelo ekutjho bonyana asikenziwa mumuntu.