Komkhulu

Komkhulu mdlalo wokuthoma wamaNdebele owaduma khulu bewabonakala kumabonwakude. Wathoma ukubonakala kumabonwakude lokha amalanga ali-9 kusiHlabantangana ngomnyaka wee-2023. Umdlalo lo ugadangiselwe bewadlalelwa esifundeni seMpumalanga, eendaweni ezifaka hlangana ngeKosini kwagogo u-Esther Mahlangu, naKwaMhlanga esese yindawo yaKwaNdebele. Ukuthoma nokudlala komdlalo lo kwaba yinqophamlando ngombana bekumdlalo wokuthoma owawuzokubonakala kumabonwakude wesiNdebele netjhaneleni ekulu okuyi Mzansi Magic (Channel 161) eku-DSTV.

Umdlalo WamaNdebele

Umdlalo WesiNdebele

Umlando waKomkhulu

Umdlalo lo umayelana nobukhosi bekosi uMasoso Mbonani, oyokosi encani esakhulako begodu ebelethelwe emnothweni. Ipilo yekosi isengozini njengombana ingarhoni ukuba nendlalifa ezokuthatha ubukhosi bayo.

Iinkundla

Umdlalo lo ube neenkundla ezilitjhumi nantathu (13 episodes).

Abadlali

Ikosi uMasoso Mbonani bekadlalwa ngu-Johannes Mandla Mnguni.

USayina Mbonani bekadlalwa nguBongi Mtsweni.

UHlangabeza bekadlalwa nguSipho Mbele.

UKarisa bekadlalwa ngu-James Sithole.

UNomhlekhabo bekadlalwa ngu-Andiswa Khuzwayo.

UNastokana bekadlalwa ngu-Frieda Makoba.

UJama bekadlalwa nguBongani Mahlangu.