Izinto Ezabanga Ipi Yephasi

Izinto Ezabanga Ipi Yephasi Yesibili

Isingeniso

Ipi yephasi yesibili ngezinye zezinto ezibuhlungu ezenzeka ephasini esiphila kibo. Ipi yephasi yathoma ngomnyaka we-1939, yaphela ngomnyaka we-1945 (Myrice 2015^[1]). Lokhu kutjho bonyana ipi yephasi yathatha iminyaka esithantathu yoke. Ngesikhathi sepi yephasi yesibili le kwalahleka amaphilo amanengi, kwatjhuguluka iimpilo zabanto kante nephasi ngokwalo. Nanyana kunjalo ke, ingabe yini eyafakaisandla bonyana kube nepi yephasi yesibili na? Umbuzo lo sizokulinga ukuwuphendula esihlokwaneni esilandelako.

Ingabe yini eyafaka isandla bonyana kube nepi yephasi na?

Ngemva kokuba khona kwepi yokuthoma yephasi kwabakhonaimiphumela nomthintela loyo ophathelene namandla kanye nomnotho. Ngokuya kwe-Wikipedia (2024)^[2], umdosiphambili wehlangano i-Nazi Party, u-Adolf Hitler, wafuna amandla wokulawula i-Germany yoke kanye nokususa umthethosibopho, iVersailles, ngebanga lokuthi awukhambelani neemfuneko zakhe zokulawula ngekani ezinye iinarha (Wikipedia 2024^[2]). U-Adolf Hitler wabe angasiyedwa, i-Fascist ye-Itally nayo yagandelela i-Ethiopia, ngokudluleleko kanti ngesikhathi esifanako i-Japan nayo yagandela i-China ngeemfuneko ezifanako nezaka-Adolf Hilter (Myrice 2015^[1]).

Iimfuneko lezi zazifaka hlangana umnotho, amandla wokubusa ezinye iinarha, ukulawula kwamajoni wezinye iinarha kanye nokususa imithetho ebakhandela bonyana bagandelele ezinye iinarha (Wikipedia 2024^[2]). Nanyana kunjalo, iinarha eziphikisana nalokhu okufaka hlangana i-Britain, United State of America ne-France, zabumbana zabiza umhlangano lapho wabekwa ngokusemthethweni umthethosibopho, iTreaty of Versailles, loyo ovikela i-Germany, I-Italy ne-Japan bonyana igandelel ezinye iinarha begodu bazenzele umathanda kwezinye iinarha (Myrice 2015^[1]). Lokhu kwakwatisa khulu u-Adolf Hitler kanye nabangani bakhe i-Japan ne-Italy, labo bathatha isiqunto bonyana nje ipi yephasi yesibili iyasuka begodu boke laba abangabasekeli kutjho bonyana manaba wabo (Oxford 2010^[3]).

Isiphetho

Amandla womnotho, nokulawulwa kwamajoni kanye kugcilaza ezinye iinarha zadlala indima ekulu ekwenzi esiqiniseko sokobanyana ipi yephasi yesibili iba khona. Nanyana kunjalo, ngemva kweminyana esithantathu ipi yephasi ikhona, kwakghonakala bonyana iphele begodu kube nokuthula ephasini.

Isilululwazi

↑ ^1.0 ^1.1 ^1.2 Myrice, E. 2015. The Impact of the Second World War on the Decolonization of Africa. Africana. Studies Student Research Conference, 2:1-10.
↑ ^2.0 ^2.1 ^2.2 Wikipedia. 2024. Causes of World War II. Itholakala ku:< https://en.wikipedia.org/wiki/Causes_of_World_War_II>. Ifunyenwe ngomhlaka [27 kuRhoboyi 2024]
↑ Oxford. 2010. Big Ideas geography: History. Oxford

[:0-1] 1.0 ^1.1 ^1.2 Myrice, E. 2015. The Impact of the Second World War on the Decolonization of Africa. Africana. Studies Student Research Conference, 2:1-10.

[:1-2] 2.0 ^2.1 ^2.2 Wikipedia. 2024. Causes of World War II. Itholakala ku:< https://en.wikipedia.org/wiki/Causes_of_World_War_II>. Ifunyenwe ngomhlaka [27 kuRhoboyi 2024]

[3] Oxford. 2010. Big Ideas geography: History. Oxford

[1]

[2]

[3]