ISewula Afrika ne-Afrika eseSewula (South Africa and Southern Africa).

Kukhona amanye amagama abonakala begodu azwakala ngathi atjho into yinye kodwa ekubeni atjho izinto ezihlukileko. Amagama lawo esikhathi esinengi agcina asetjenziswa kwangathi yinto yinye ngabanye abantu. Amagama la afaka hlanga iSewula Afrika ne-Afrika eseSewula. Ekumimeni yethi le sizokunqopha kumehluko hlangana kweSewula Afrika ne-Afrika eseSewula.

Kuyin iSewula Afrika?

ISewula Afrika kuyinarha leyo etholakala enarheni kazi ye-Afrika. ISewula Afrika yinarha etholaka ekugcineni kweSewula ye-Afrika. Kubalazwe, itholakala encasi kunazo zoke iinarha ezikhona e-Afrika. Ukungezelela, iSewula Afrika iyingcenye nanyana ingezinye zeenarha ezibumba i-Afrika eseSewula.

Kuyini i-Afrika eseSewula?

I-Afrika eseSewula libizobuthelelo lelo elitjho iinarha ezifunyanwa eSewula ye-Afrika. Ngamanye amagama, ziinarha lezo esengcenyeni esencasi e-Afrika. Lokhu kutjho bonyana ziinarha ezifunyanwa esiyingi seSewula e-Afrika. Iinarha lezi zifaka hlangana  i-Angola, iBotswana, iLesotho, iMalawi, iMozambique, iNamibia, iSewula Afrika, Eswatini, i-Zambia neZimbabwe. Zoke iinarha lezi nazihlangeneko zibizwa bonyana i-Afrika eseSewula.

Isiphetho.

Kuqakathekile bonyana sazi umlando wethu kanye nokuthi iinarhakazi ye-Afrika le esihlala kiyo ihlukaniswe njani. Yeke-ke, nje sesiyazi bonyana iSewula Afrika kuyinarha ngaphakathi kwesiyingi seSewula e-Afrika.