I-ISBN

ISBN

Kuyini i-ISBN?

I-ISBN sirhunyezo esijamele International Standard Book Number (IZinga leenTjhabatjhabatjha leNomboro yeNcwadi). I-ISBN kuziinomboro ezilutjhumi nantatho nanyana ezilutjhumi lezo ezenyelwe omunye nomunye okhiqizo ukuze ukwazi ukutholakala ngazo (International ISBN Agency 2024^[1]).

Kungani zilitjhumi nantathu kanti ezinye zilitjhumi na? Iinomboro ezilitjhumi nantathu ngezisetjenziswa eentjhabatjhabeni bese lezo ezilitjhumi zisetjenziswe ngaphakathi enarheni. Ngokuya kwe-Barcoding (2024^[2]), enye nenye inarha ephasini inenomboro yayo leyo eyisebenzisa ngaphakathi ukuze umkhiqizo wayo ukhone ukutshwayiwa. Ingabe zitjho ukuthini iinomboro ze-ISBN nanyana ze-Bar code na?

Njengoba sivezile ngaphambilini bonyana iinomboro ze-bar code zilitjhumi nanye kanti ke ze-ISBN zilitjhumi. Asitjhejeni isibonelo esilandelako:

Isitjengiso 1

Isitjengiso esinikelwe sona lesi ngaphezulu sinikele i-bar code yeenomboro ezilitjhumi nantathu. Iinomboro zokuthoma i-978 zibizwa bona ziinomboronhlomelelo lezo ezenzelwe bona umkhiqizo wakho ukghone ukutloliswa eentjhabatjhabeni (ISBN Barcode 2024^[3] no-Barcoding 2024^[2]). Ngamanye amagama i-978, inomboro etjengisa bonyana umkhiqizo wakho ungathengiswa ephasini loke. Inomboro elandelako i-1, igamele inarha nesiyingi ngokuya kanye nemilimi elisetjenziswako lapho enarheni. ESewula Africa sanikelwa u-0, nanyana u-1, ngombana ngaphambilini limi kwakusiNgisi begodu imikhiqizo yethu eminengi yayikhutjwa ngesiNgisi (Barcoding 2024^[2]).

Iinomboro ezihlanu ezilandelako zijamele ikhamphani nanyana abakhiqizi nabathengisi bomkhiqizo loyo. Enye nenye ikhamphani nanyana abathengisi banenomboro yabo leyo ebenza bonyana bafunyaneke lokha umuntu nakathenga umkhiqizo ngobunzizolwazi nanyana ngobulondolwazi (International ISBN Agency 2024^[1]).

Iinomboro ezintathu nanyana ezine ziinomboro ezibizwa bonyana ziinomboro zokuqinisekisa ngombana ziqinisekisa yoke inomboro ye-bar code nayana ye-ISBN (International ISBN Agency 2024^[1]).

Nakwenzekile bonyana umkhiqizo okhitjhiweko utloliswe ngekhaya nanyana enarheni yethu kwaphela uzokusebenzisa i-ISBN yeenomboro ezilitjhu (Barcoding 2024^[2]). Okutjho bona i-ISBN izokuthoma ngo-1868935918. I-978, izokususwa njengoba sihlathululiwe bonyana isetjenziswa mikhiqizo leyo ezitlolise nanyana etjhengiswa nakwezinye iinarha. Isiphetho.

I-ISBN nanyana i-bar code iqakatheke khulu njengombana yenza bonyana umkhiqizo womuntu otloliswe begodu waziwe ngibo boke abantu khona ungazokwetjiwa nanyana usetjenziswe butjhilweni. Kuqakathekile bonyana yoke imikhiqizo itloliswe njengomkhiqizo weentjhabatjhaba.

Umthombolwazi

↑ ^1.0 ^1.1 ^1.2 International ISBN Agency. (2024). ‘What is an ISBN?’. Available at:< https://www.isbn-international.org/content/what-isbn/10>. Accessed on [9 January 2024]. ISBN Barcode. (2024).
↑ ^2.0 ^2.1 ^2.2 ^2.3 Barcoding. (2024). ‘How to Read a Barcode: Can it Tell You a Product's Country of Origin?’. Available at:<https://www.barcoding.com/blog/barcode-prefixes-and-product-country-of-origin>. Accessed on [17 June 2024].
↑ Sample ISBN Barcode Images’. Available at:<https://isbnbarcodes.org/sample-isbn-barcode-images/>. Accessed on [17 June 2024].

[:0-1] 1.0 ^1.1 ^1.2 International ISBN Agency. (2024). ‘What is an ISBN?’. Available at:< https://www.isbn-international.org/content/what-isbn/10>. Accessed on [9 January 2024]. ISBN Barcode. (2024).

[:1-2] 2.0 ^2.1 ^2.2 ^2.3 Barcoding. (2024). ‘How to Read a Barcode: Can it Tell You a Product's Country of Origin?’. Available at:<https://www.barcoding.com/blog/barcode-prefixes-and-product-country-of-origin>. Accessed on [17 June 2024].

[3] Sample ISBN Barcode Images’. Available at:<https://isbnbarcodes.org/sample-isbn-barcode-images/>. Accessed on [17 June 2024].

[1]

[2]

[3]