Afrika

I-Afrika yizwekazi lesibili ngobukhulu begodu lesibili ngenani elikhulu labantu ephasini ngemva kwe-Asia. Ngamakhilomitha angaba ziingidi ezima-30.3 (amamayela ayi-11.7 wezigidi) kufaka hlangana iinhlengele eziseduze, ihlanganisa ama-20% wendawo yomhlaba kanye nama-6% wendawo yayo yoke.[9] Ngabantu abapheze babe ziingidigidi eziyi-1.4 ukusukela ngo-2021, ibalelwa emaphesentini ali-18 wabantu ephasini. Inani labantu be-Afrika mncani khulu kiwo woke amazwekazi. iminyaka ephakathi ngo-2012 beyiyi-19.7, lokha iminyaka ephakathi yephasi loke beyiyi-30.4.Ngokuya ngokuqagela kwango-2024, inani labantu be-Afrika lizakufikelela ebantwini abaziingidigidi ezi-3.8 ngo-2099.[Nanyana kunemithombo yemvelo eminengi, i-Afrika yizwekazi elinenotho encani ngehloko begodu liyindawo yesibili engananotho enengi, ngaphambi kwe-Oceania. Izazi zithi lokhu kungenxa yezinto ezihlukahlukeneko ezifaka hlangana ubujamo bendawo, ubujamo bezulu, ikohlakalo,ubukoloniyali, iPi yomKhuhlane, kanye nobukoloniyali obutjha. Nanyana kunobujamo obuphasi bomnotho, ukwanda kwezomnotho kwamuva nje kanye nenani labantu abanengi nabasesebatjha kwenza i-Afrika ibe yimakethe eqakathekileko yezomnotho ephasini loke. I-Afrika inenani elikhulu lemithombo yemvelo nemithombo yokudla, okufakahlangana amadayimane, itjhukela, itswayi, igolide, i-ayini, i-cobalt, i-uranium, ikhopha, i-bauxite, isiliva, i-petroleum, igesi yemvelo, iimbhontjisi ze-cocoa, kanye nezithelo ezitjhisako.